ԵԽ Մարդու իրավունքների հանձնակատարը կարեւորել է «Մարդու իրավունքների պաշտպանի մասին» ՀՀ սահմանադրական օրենքի նախագծի ընդունումը
14-12-2016 18:01:52 | Հայաստան | Մամլո հաղորդագրություն
ՀՀ մարդու իրավունքների պաշտպան Արման Թաթոյանը դեկտեմբերի 13-ին հեռախոսային քննարկում է ունեցել Եվրոպայի խորհրդի Մարդու իրավունքների հանձնակատար Նիլս Մուժնիեկսի հետ: Հեռախոսազրույցի ընթացքում կողմերը կարծիքներ են փոխանակել երկուստեք հետաքրքրություն ներկայացնող մի շարք առաջնահերթությունների վերաբերյալ: Անդրադարձ է կատարվել նաեւ «Մարդու իրավունքների պաշտպանի մասին» ՀՀ սահմանադրական օրենքի նախագծին:
Հանձնակատարին են ներկայացվել նախագծում տեղ գտած այն դրույթները, որոնք միտված են Մարդու իրավունքների պաշտպանի ինստիտուտի դերի բարձրացմանը, ինչպես նաեւ Պաշտպանի՝ որպես կանխարգելման ազգային մեխանիզմի լիազորությունների հստակեցմանը:
Հանձնակատարն իր հերթին կարևորել է նախագծի ընդունումը, նշելով, որ այդ կարգավորումները կնպաստեն Հայաստանում Մարդու իրավունքների պաշտպանի գործունեության արդյունավետության բարձրացմանը:
ՀԱՅԵՐԵՆ
Русский
English
Դաս. հայերեն
French
