Միջազգային ֆիլատելիստական ցուցահանդեսն ամփոփվել է պարգևատրման արարողությամբ
16-12-2016 16:14:42 | Հայաստան | Մշակույթ
Երևանի քաղաքապետարանի ճեմասրահում բացված Հայաստանի անկախության 25-ամյակին նվիրված միջազգային ֆիլատելիստական ցուցահանդեսն ամփոփվել է, և լավագույն հավաքածուների համար ֆիլատելիստները պարգևատրվել են դիպլոմով: Հայաստանի ֆիլատելիստների միության նախագահ Հովիկ Մուսայելյանը, շնորհակալություն հայտնելով Երևանի քաղաքապետարանին և անձամբ քաղաքապետին, նշել է, որ ցուցահանդեսի անցկացումը որոշակի տոն էր նամականիշերի սիրահարների համար, ինչը հնարավոր դարձավ քաղաքապետարանի և աջակից մյուս կառույցների հետ համատեղ աշխատանքի շնորհիվ:
Ցուցահանդեսին աջակցելու համար Երևանի քաղաքապետարանը կազմկոմիտեի կողմից պարգևատրվել է հուշամեդալով և դիպլոմով:
Միջոցառմանը ներկա Երևանի քաղաքապետի տեղակալ Արամ Սուքիասյանը վստահեցրել է, որ քաղաքապետարանը մշտապես պատրաստակամ է աջակցելու նմանօրինակ նախաձեռնություններին, որոնք հատկապես ուղղված են մեր երկրի ու պետականության դերի բարձրացմանը:
18 մրցութային հավաքածուներից լավագույններն արժանացան ոսկե մեդալների: Խրախուսական պարգևներ հանձնվեցին նաև արտամրցութային հավաքածուների հեղինակներին:
ՀԱՅԵՐԵՆ
Русский
English
Դաս. հայերեն
French
