Էրդողանը Կեյսարի քաղաքում կատարված ահաբեկչության մեղքը բարդել է Քուրդիստանի բանվորական կուսակցության վրա
17-12-2016 16:25:17 | Թուրքիա | Միջազգային
Թուրքիայի նախագահ Ռեջեփ Թաիբ Էրդողանը թուրքական Կեյսարի քաղաքում կատարված ահաբեկչության պատասխանատվությունը դրել է Քուրդիստանի բանվորական կուսակցության վրա:
Interfax-ի փոխանցմամբ` Թուրքիայի նախագահի հայտարարությունում, մասնավորապես, նշվում է. «Այս ահաբեկչության հետևում կանգնած է Քուրդիստանի բանվորական կուսակցություն անջատողաահաբեկչական կազմակերպությունը»:
Միևնույն ժամանակ Էրդողանն ընդգծել է, որ կատարված ահաբեկչությունը ուղիղ կապ ունի քաղաքական կուրսի հետ, որը Թուրքիան իրականացնում է Սիրիայի և Իրաքի նկատմամբ:
Ինչպես հաղորդվում է, ավտոբուսի պայթյունի արդյունքում զոհվել է 13 մարդ, վիրավորվել 55-ը:
ՀԱՅԵՐԵՆ
Русский
English
Դաս. հայերեն
French
