Դեկտեմբերի 29-ին ՀՀ տարածքային կառավարման եւ զարգացման նախարար Դավիթ Լոքյանը այցելել է Տավուշի մարզի Նոյեմբերյանի տարածաշրջանի Բաղանիս, Կոթի համայնքներ , եղել տարածաշրջանում տեղակայված զորամասի գումարտակում, որը սահմանի պաշտպանություն է իրականացնում:
Նախարարը զրուցել է զինծառայողների հետ, շնորհավորել հայրենիքի սահմանները պաշտպանող զինծառայողներին;
<<Շնորհավորում եմ սիրելի զինվորականներ Ամանորի առթիվ, ցանկանում եմ, որ 2017 թ-ին կարողանաք անփորձանք ծառայություն իրականացնել, պաշտպանել երկիրը: Վստահ եմ, որ դա դուք կանեք, միայն անվտանգ եղեք, սա շատ կարևոր է: Շնորհավորում եմ նաեւ ձեր ընտանիքներին, հարազատներին, ցանկանում եմ, որ 2017 թ-ին մեր զինվորականների ապրելու պայմաններն էլ ավելի լավանան և դիրքերում, և ընտանիքներում: Սա շատ կարևոր է եւ մենք որպես կառավարություն, պետք է աստիճանաբար լուծենք բոլոր խնդիրները, ցույց տանք, թե մեզ համար ինչքան կարևոր է հայ զինվորը, դիրքերում գտնվող զինծառայողը >>,- ասել է Դավիթ Լոքյանը:
ՏԿԶՆ հասարակայնության հետ կապերի բաժնից հայտնում են՝ Ամանորի առթիվ նախարարը նվերներ է հանձնել զինվորականներին, նաեւ պատրաստակամություն հայտնել օժանդակելու պաշտպանական որոշակի կառույցների տեխնիկական ուժեղացման հարցում:
ՀԱՅԵՐԵՆ
Русский
English
Դաս. հայերեն
French
