Դամասկոսը հաստատել է իր մասնակցությունն Աստանայում կայանալիք բանակցություններում
09-01-2017 13:54:17 | Սիրիա | Միջազգային
Սիրիայի նախագահ Բաշար Ասադը հայտարարել է կառավարության պատրաստակամության մասին մասնակցելու Աստանայում կայանալիք բանակցություններին:
interfax-ի փոխանցմամբ` ֆրանսիացի լրագրողներին տված հարցազրույցում նախագահը, մասնավորապես, նշել է. «Իհարկե մենք պատրաստ ենք և մենք հայտարարել ենք, որ մեր պատվիրակությունը պատրաստ է մեկնել խորհրդաժողովին, երբ որ հստակ ժամկետներ նշվեն: Մենք պատրաստ ենք քննարկել բոլոր հարցերը, սահմանափակումներ չկան»:
Պատասխանելով լրագրողի հարցին այն մասին, թե Ասադը պատրաստ է արդյոք քննարկել հետագայում նախագահի պաշտոնում իր պաշտոնավարման հարցը, նա ասել է, որ դա ենթադրում է «Սահմանադրության քննարկում»:
Վերջինս ընդգծել է, որ Սահմանադրությունը չի պատկանում ոչ կառավարությանը, ոչ նախագահին, ոչ ընդդիմությանը, այլ պատկանում է սիրիացի ժողովրդին, հետևաբար դրա փոփոխության համար անհրաժեշտ է հանրաքվե անցկացնել:
Նախագահ Ասադը տեղեկացրել է, որ դեռևս չգիտի, թե ով է բանակցությունների ընթացքում ներկայացնելու ընդդիմությանը:
ՀԱՅԵՐԵՆ
Русский
English
Դաս. հայերեն
French
