Անկարան հրաժարվել է վերանայել Ուկրաինայի տարածքային ամբողջականության մասին ունեցած դիրքորոշումը
09-01-2017 17:32:46 | Թուրքիա | Միջազգային
Ռուսաստանի հետ երկխոսությունը թույլ կտա ներդրում ունենալ շատ հակամարտությունների կարգավորման հարցում: Այս մասին հայտարարել է Թուրքիայի արտգործնախարար Մևլութ Չավուշօղլուն` հանդես գալով Անկարայում կայացած դեսպանների կոնֆերանսի ընթացքում:
Interfax-ի փոխանցմամբ` միաժամանակ նա ընդգծել է, որ Մոսկվայի հետ համագործակցությունը չի ենթադրում Անկարայի դիրքորոշման փոփոխություն Ուկրաինայի և Վրաստանի հարցում:
«Մենք աջակցում ենք Ուկրաինայի և Վրաստանի տարածքային ամբողջականությանը, մենք չենք ընդունում Ուկրաինայի հողերի զավթումը»,- ասել է նա:
Անդրադառնալով սիրիական կոնֆլիկտին` Մ. Չավուշօղլուն հայտարարել է, որ Թուրքիան, ինչպես տարածաշրջանի ոչ մի այլ երկիր, շահագրգռված է Սիրիայում կայունության հաստատմամբ:
ՀԱՅԵՐԵՆ
Русский
English
Դաս. հայերեն
French
