ՀՀ կրթության և գիտության նախարարությունը հայտարարում է լրագրողների հավատարմագրում
23-01-2017 15:49:16 | Հայաստան | Մամլո հաղորդագրություն
ՀՀ կրթության և գիտության նախարարությունը, «Զանգվածային լրատվության մասին» ՀՀ օրենքի և «ՀՀ կրթության և գիտության նախարարությունում լրագրողների հավատարմագրման կարգի» համաձայն, հայտարարում է 2017թ. նախարարության գործունեությունը լուսաբանող լրագրողների հավատարմագրում:
Հավատարմագվելու համար անհրաժեշտ է ներկայացնել գրավոր դիմում, որտեղ պետք է նշված լինեն`
ա) լրատվական գործունեություն իրականացնող իրավաբանական անձի լրիվ անվանումը, կազմակերպական-իրավական ձևը, գտնվելու վայրը, իսկ եթե լրատվական գործունեություն իրականացնողը ֆիզիկական անձ է՝ նրա ազգանունը, անունը, հայրանունը (եթե հայրանունը նշված է անձնագրում) և բնակության վայրը (հասցեն).
բ) հավատարմագրման ներկայացվող լրագրողի, ըստ անձնագրի, ազգանունը, անունը, հայրանունը (եթե հայրանունը նշված է անձնագրում).
գ) լրագրողի ներկայացրած լրատվության միջոցի (լրատվության միջոցների) անվանումը (անվանումները).
դ) լրատվական գործունեություն իրականացնողի և լրագրողի էլեկտրոնային հասցեները, հեռախոսահամարները
Հավատարմագրման համար դիմել Հայաստանի Հանրապետության կրթության և գիտության նախարարության աշխատակազմ (Վ. Սարգսյան 3, Կառավարական տուն 2 հեռ.` 52-73-43 կամ դիմումն ուղարկել info@edu.am էլեկտրոնային հասցեով:
Հավատարմագրման համար դիմումները պետք է ներկայացնել մինչեւ 2017թ. փետրվարի 10-ը: