Սուրեն Կարայանի կանխատեսմամբ` հայ-ռուսական ներդրումային հիմնադրամը կստեղծվի առաջիկա ամիսներին (տեսանյութ)
26-01-2017 16:38:45 | Հայաստան | Տնտեսություն
ՀՀ Տնտեսական զարգացումների և ներդրումների նախարար Սուրեն Կարայանի կանխատեսմամբ` հայ-ռուսական ներդրումային հիմնադրամը կստեղծվի առաջիկա ամիսներին: Այս մասին նա նշեց կառավարության հունվարի 26-ին կայացած նիստից հետո լրագրողների հետ զրույցի ընթացքում:
Նա, մասնավորապես, նշեց, որ ՀՀ վարչապետի Մոսկվա կատարած պաշտոնական այցի շրջանակներում պայմանավորվածություններ են ձեռք բերվել ինչպես ռուս գործընկերների, այլև ռուսաստանաբնակ հայ գործարարների հետ: Նրա փոխանցմամբ` հայ-ռուսական ներդրումային հիմնադրամի նպատակն է ֆինանսական ներդրումներ կատարել այն ոլորտներում, որոնք կնպաստեն երկու երկրների միջև ապրանքաշրջանառության բարձրացմանը, ներմուծման փոխարինմանը, արդյունաբերության կոոպերացիայի զարգացմանը, այդ թվում նաև արտահանման աճին: