Մայրաքաղաքի վարչական շրջաններում ձնամաքրման լայնածավալ աշխատանքները  չդադարող ժամանակացույցով շարունակվել են նաև հանգստյան օրերին:

 

Արվածի արդյունքն ավելի տեսանելի է դարձել կիրակի լուսադեմին արձանագրված տեղումների դադարից հետո: Գլխավոր փողոցներում աշխատանքն ավարտելուց հետո «Սանիթեք» ընկերության, նաև վարչական շրջանների համապատասխան կառույցների հատուկ տեխնիկան տեղափոխվել է երկրորդական փողոցներ,  բակեր ու միջբակային  տարածքներ: Զուգահեռաբար մաքրվում են մայթերը, կանգառասրահների տարածքները, աստիճանավանդակներն ու անցումները: Բակային տարածքների ձնամաքրմանը ներգրավված են նաև համատիրությունների աշխատակիցները: Գործընթացը կշարունակվի մինչև  երթևեկության ու հետիոտնի տեղաշարժի համար անհրաժեշտ պայմանների ստեղծումը: Աշխատանքները  վերահսկվում են  վարչական շրջանների ղեկավարների, Երևանի քաղաքապետարանի կոմունալ տնտեսության վարչության և օպերատիվ շտաբի կողմից: 

 

 

Նոյյան տապան  -   Մամլո հաղորդագրություն