Թրամփն Իրանն անվանել է համար առաջին ահաբեկչական պետություն
06-02-2017 11:54:35 | ԱՄՆ | Միջազգային
«Իրանը բացարձակապես չի հարգում մեր երկիրը: Այն հանդիսանում է համար մեկ ահաբեկչական երկիրը, որը միջոցներ է ուղղում զինվելուն»,- կիրակի Fox News-ին տված հարցազրույցի ընթացքում նշել է ԱՄՆ նախագահ Դոնալդ Թրամփը:
Ամերիկացի առաջնորդը խոստացել է Թեհրանի դեմ գորոծողություններ իրականացնել պատժամիջոցների տեսքով` ընդգծելով, որ իրենք արդեն իսկ կիրառում են պատժամիջոցներ:
Միևնույն ժամանակ Թրամփը նշել է, որ նախապես չի զգուշացնելու իր գործողությունների մասին: «Ես միշտ քննադատել եմ Բարաք Օբամային այն բանի համար, որ նա նախապես տեղեկացնում էր Մոսուլ կամ այլ վայրեր զորք տեղափոխելու մասին: Նրանք օր ու ժամ էին նշում»,- ասել ամերիկյան վարչակազմի ղեկավարը: