Գերմանիայում ահաբեկչության դեմ պայքարելու նոր միջոցառումներ են մշակել
07-02-2017 11:50:51 | Գերմանիա | Միջազգային
Բեռլինյան ահաբեկչությունից հետո Գերմանիայում իշխող մեծ կոալիցիայի կազմում ընդգրկված կուսակցությունների առաջնորդները համաձայնեցրել են երկրում անվտանգության ամրապնդման ծրագիրը, որը մշակվել է Գերմանիայի ներքին գործերի և արդարադատության նախարարությունների կողմից:
korrespondent.net-ի փոխանցմամբ` հակաահաբեկչական միջոցառումները քննարկվել են Անգելա Մերկելի, Քրիստոնեա-դեմոկրատական միության և Սոցիալ-դեմոկրատակ կուսակցության ղեկավարների մասնակցությամբ:
Հանդիպմանը նաև ներկա են գտնվել դաշնային և բավարյան կառավարության այլ ներկայացուցիչներ: Իշխող կոալիցիան մյունխենյան հանդիպման ընթացքում պետք է մշակեր անվտանգության ընդհանուր հայեցակարգ: Մյունխենում հանդիպումը տևել է երկու ժամ և ավարտվել առանց հայտարարությունների:
ՀԱՅԵՐԵՆ
Русский
English
Դաս. հայերեն
French
