Նախագահ Բակո Սահակյանն անդրադարձել է ԼՂՀ ոստիկանության կառույցների գործունեությանը և տվել համապատասխան հանձնարարականներ
08-02-2017 14:21:28 | Արցախ (ԼՂՀ) | Մամլո հաղորդագրություն
Արցախի Հանրապետության Նախագահ Բակո Սահակյանը փետրվարի 8-ին մասնակցել է ԼՂՀ ոստիկանության մարմինների եւ ստորաբաժանումների 2016 թվականի օպերատիվ ծառայողական գործունեության արդյունքների ամփոփման կոլեգիայի նիստին:
Զեկույցներով հանդես են եկել ոստիկանապետ Կամո Աղաջանյանը, կառույցի ղեկավար կազմի ներկայացուցիչներ:
Նախագահ Սահակյանն ընդգծել է, որ համակարգի առջեւ դրված խնդիրները բարդ են ու կարեւոր, եւ ոստիկանությունն ունի դրանք արդյունավետորեն լուծելու համապատասխան ներուժ:
Երկրի ղեկավարը 2016 թվականի կառույցի գործունեությունն ընդհանուր առմամբ գնահատել է բավարար եւ տվել համապատասխան հանձնարարականներ 2017 թվականի աշխատանքների պատշաճ իրականացման ուղղությամբ: Այս մասին «ՆՏ»-ին հայտնեցին Արցախի Հանրապետության նախագահի աշխատակազմի տեղեկատվության գլխավոր վարչությունից:
ՀԱՅԵՐԵՆ
Русский
English
Դաս. հայերեն
French
