08-02-2017 16:41:05 | Հայաստան | Ի՞նչ է գրում մամուլը
Ռուսալեզու բլոգերները բացահայտել են, թե ինչ ինքնաթիռ ու օդային երթուղի է օգտագործել Ադրբեջանը՝ իրենց գործընկերոջը՝ Ալեքսանդր Լապշինին, փետրվարի 7ի ուշ երեկոյան Բաքու տեղափոխելու համար:
Ինչպես հաղորդում է «Արմենպրես»ը, վկայակոչելով milavia բլոգը, Լապշինին տեղափոխելու համար կիրառվել է կառավարական դասի Gulfstream G450 բիզնես օդանավը: Ռուսաստանի, Իսրայելի և Ուկրաինայի քաղաքացի Ալեքսանդր Լապշինի «օդային բանտը» կրում է 4KAZ888 համարանիշը: Հատկանշական է, որ օդանավն անցել է Ուկրաինայի օդային տարածքով՝ տեղափոխելով հենց այդ երկրի քաղաքացուն, այնինչ շրջանցել է ամենակարճ երթուղին՝ Ռուսաստանի օդային տարածքը: Նույն օդանավն օգտագործել է Ադրբեջանի խորհրդարանի նախագահը՝ Ուզբեկստանի նախագահ Իսլամ Կարիմովի հուղարկավորությանը մեկնելու համար: