Սիրո տոնին ընդառաջ ԱՀԹ մնջախաղի թատրոնը նոր ներկայացում նվիրեց երիտասարդներին (Տեսանյութ)
08-02-2017 21:49:11 | Հայաստան | Մշակույթ
Սուրբ Սարգսի տոնին ընդառաջ Հովհ. Թումանյանի անվան տիկնիկային թատրոնի բեմում պրեմիերա է: Առաջին անգամ հանդիսատեսի դատին է ներկայացվում «Օրհնված երազ» ներկայացումը, որն Արարատյան Հայրապետական թեմի խուլերի մնջախաղի թատրոնի գեղարվեստական ղեկավարի նոր բեմադրությունն է:
Եթե իրականության մեջ Սուրբ Սարգիսը նահատակվել է հանուն քրիստոնեական հավատքի, ապա «Օրհնված երազում» նա արիաբար պայքարում է քրիստոնեության տարածման համար, օրհնում երիտասարդների երազները, որոնք անպայման իրականություն են դառնում:
Յոթ դերասանների մասնակցությամբ ցուցադրվող ներկայացման բոլոր հերոսները խուլ են, իսկ նրանց շփման լեզուն` մնջախաղն է:
Իննա Հախնազարյանը պնդում է. «Դերասանների հետ աշխատելը շատ հեշտ է, քանի որ միմյանց հասկանում են մարմնի լեզվով»: Նա հասցրել է նաև որոշ ժեստեր սովորել:
ԱՀԹ խուլերի մնջախաղի թատրոնի հետ երկու տարի առաջ սկսված համագործակցության արդյունքում բազմաթիվ բեմադրություններ են արվել, ավելին` Ծաղկաձորում անցկացված Լեոնիդ Ենգիբարյանի անվան մնջախաղի 5-րդ միջազգային փառատոնի ընթացքում «Հոսանքին հակառակ» ներկայացումով արժանացել են ոսկե մեդալի:
ՀԱՅԵՐԵՆ
Русский
English
Դաս. հայերեն
French
