Բաց դասի շրջանակներում ԱԺ էին այցելել Փանոս Թերլեմեզյանի անվան գեղարվեստի պետական քոլեջի սաները
09-02-2017 19:28:35 | Հայաստան | Մամլո հաղորդագրություն
Փետրվարի 9-ին ԱԺ «Բաց դռներ» ծրագրի շրջանակում ՀՀ Ազգային ժողով էին այցելել Փանոս Թերլեմեզյանի անվան գեղարվեստի պետական քոլեջի մի խումբ ուսանողներ եւ դասախոսներ:
Բաց դասը վարել է ՀՀ ԱԺ պատգամավոր Արագած Ախոյանը, ով տարիներ առաջ ուսանել է գեղարվեստի քոլեջում:
Խոսելով խորհրդարանի օրինաստեղծ գործունեության մասին՝ պատգամավորն անդրադարձել է երիտասարդությանը եւ ընդհանրապես հայ մարդուն հուզող խնդիրներին, ժամանակի մարտահրավերներին: Կարեւորելով գեղագիտական կրթության եւ արվեստի ազդեցության դերը հայ մարդու կյանքում՝ պարոն Ախոյանն ընդգծել է ակտիվ, նախաձեռնող ու գրագետ քաղաքացու կարեւոր դերը մեր երկրի կայացման գործում:
Ուսանողների խնդրանքով Արագած Ախոյանն անդրադարձել է արտագաղթին, հայաստանյան աշխատաշուկայում նկարիչների, քանդակագործների պահանջարկին եւ ազգային ինքնության պահպանմանը վերաբերող խնդիրներին:
Պատգամավորը խոսել է նաեւ Հայոց ցեղասպանության ընդունման եւ Արեւմտյան Հայաստանի հետ կապված իր ծրագրերի եւ անելիքների մասին՝ հորդորելով երիտասարդներին չհեռանալ հայկական արմատներից, ծառայեցնել իրենց գիտելիքը եւ ձիրքը հայրենիքի շենացմանը:
ՀԱՅԵՐԵՆ
Русский
English
Դաս. հայերեն
French
