Գործադիր բոլոր մարմինների ղեկավարներն առաջարկություններ կներկայացնեն շենքային տարածքների արդյունավետ օգտագործման վերաբերյալ
16-02-2017 13:02:22 | Հայաստան | Հասարակություն
ՀՀ Կառավարության փետրվարի 16-ին կայացած նիստից առաջ վարչապետ Կարեն Կարապետյանի հնչեցրած երրորդ հանձնարարականը վերաբերում էր շենքային տարածքների արդյունավետ օգտագործմանը:
Ըստ նրա` պետական կազմակերպությունների կողմից փաստացի զբաղեցրած շենքային տարածքները ոչ բոլոր դեպքերում են որ համապատասխանում են նորմատիվային հաստատված պահանջներին, որոշ դեպքերում թերբեռնված են կամ առհասարակ արդյունավետ չեն օգտագործվում:
Այս նպատակով վարչապետը գործադիր բոլոր մարմինների ղեկավարներին հանձնարարեց համատեղ աշխատել ՀՀ կառավարությանն առընթեր պետական գույքի կառավարման վարչության հետ և մեկ ամսյա ժամկետում ուսումնասիրել զբաղեցրած շենքային տարածքների օգտագործման արդյունավետությունը` ներկայացնելով միասնական հստակ առաջարկություններ այդ տարածքների օպտիմալացման և առավել նպատակային օգտագործման ապահովման վերաբերյալ:
ՀԱՅԵՐԵՆ
Русский
English
Դաս. հայերեն
French
