Տիգրան Ուրիխանյանը ներել է Անի Հովհաննիսյանին (տեսանյութ)
16-02-2017 18:39:03 | Հայաստան | Ի՞նչ է գրում մամուլը
Ա1+ԱԺ պատգամավոր Տիգրան Ուրիխանյանը ներել է ամբաստանյալ Անի Հովհաննիսյանին եւ տուժողի դիրքերից հանդես գալու ցանկություն չունի:
Այսպիսի դիմում այսօր պատգամավորը մուտք էր արել դատարանի գրասենյակ՝ նշելով, որ չի ցանկանում նաեւ ներկա լինել նիստերին՝ տուժող կողմի դիրքից հանդես գալու ցանկության բացակայության պատճառով:
«Անալիտիկ» կայքի տնօրեն Անի Հովհաննիսյանը մեղադրվում է ԱԺ պատգամավոր Տիգրան Ուրիխանյանից շորթում կատարելու մեջ: Ըստ մեղադրանքի նա Տիգրան Ուրիխանյանից ամսական պահանջել է վճարել 300 հազար դրամ:
Ապացույցների հետազոտման ժամանակ պաշտպան Լիպարիտ Սիմոնյանը դատարանի ուշադրությունը հրավիրեց ծառայությունների մատուցման պայմանագրի վրա: Ըստ այդ պայմանագրի՝ Տիգրան Ուրիխանյանը 1 տարի ժամկետով ամսական 300,000 դրամ պետք է վճարեր՝ գովազդի համար:
Բացի Տիգրան Ուրիխանյանից շորթում կատարելուց, Անի Հովհաննիսյանը մեղադրվում է ՎՏԲ բանկից խոշոր չափի՝ 1 մլն դրամի շորթում կատարելու մեջ:
Ապացույցների հետազոտումը կշարունակվի նաեւ մարտի 6-ին: