2 անձ է ձերբակալվել տարեց ամուսինների բնակարանից գողություն կատարելու համար.ՀՔԿ

17-02-2017 16:06:39   | Հայաստան  |  Մարդու իրավունքներ
ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնում քննվող քրեական գործով ձեռնարկված քննչական գործողությունների արդյունքում բացահայտվել է տարեց ամուսինների բնակարանից կատարված գողությունը, 2 անձ ձերբակալվել է:
 


Նախնական քննության տվյալներով՝ 2017թ. հունվարի 23-ին՝ ժամը 17:30-ի սահմաններում, առերևույթ հանցագործություն կատարած անձինք, ապօրինի մուտք են գործել 1927թ. ծնված տղամարդու բնակարան և գաղտնի հափշտակել խոշոր չափերի հասնող, տարբեր արտարժույթների կանխիկ գումար, ոսկյա ականջօղեր, սննդամթերք, ալկոհոլային խմիչքներ, լապտեր, օպտիկական ակնոց և «Սամսունգ» մոդելի բջջային հեռախոս:
Դեպքի առթիվ հարուցվել է քրեական գործ՝ ՀՀ քրեական օրենսգրքի 177-րդ հոդվածի 3-րդ մասի 1.1 կետով, որով նախաքննությունն իրականացվել է ՀՀ ՔԿ Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնի վարույթում։  Բնակարանի սեփականատերը ճանաչվել է տուժող:
Ձեռնարված  գործողությունների արդյունքում բացահայտվել է առերևույթ հանցագործություն կատարած անձանց ինքնությունը, ովքեր 2017թ. փետրվարի 15-ին ձերբակալվել են:
Նախաքննությունը շարունակվում է, միջոցներ են ձեռնարկվում՝ պարզելու դեպքի բոլոր հանգամանքները:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՀՀ քննչական կոմիտեի դեպարտամենտի 
տեղեկատվության և հասարակայնության 
հետ կապերի բաժին
 
Նոյյան տապան   -   Մարդու իրավունքներ
Լուրեր Հայաստանից եւ Սփյուռքից