Քաղաքապետ Տարոն Մարգարյանը հյուրընկալել է մայրաքաղաքի դպրոցականների
20-02-2017 19:22:54 | Հայաստան | Մամլո հաղորդագրություն
Գիրք նվիրելու օրվա առիթով մայրաքաղաքի դպրոցների աշակերտներն այցելել են Երևանի քաղաքապետարան և օրվա խորհրդի շրջանակում գրքեր նվիրել քաղաքապետ Տարոն Մարգարյանին:
Շնորհավորելով աշակերտներին և շնորհակալություն հայտնելով հաճելի անակնկալի համար՝ քաղաքապետ Տարոն Մարգարյանն առանձնակի կարևորել է գրքի նշանակությունը սերունդների կրթության ու դաստիարակման հարցում: Հյուրընկալ տանտիրոջ իրավունքով Տարոն Մարգարյանն իր հերթին գրքեր է նվիրել երեխաներին և մաղթել նրանց նորանոր հաջողություններ ուսման մեջ:
Շնորհակալություն հայտնելով ջերմ ընդունելության համար` դպրոցականներն իրենց հերթին խոստացել են լավ սովորել ու դառնալ պետության արժանի քաղաքացիներ:
ՀԱՅԵՐԵՆ
Русский
English
Դաս. հայերեն
French
