Զարուհի Փոստանջյանի կուսակությունից դուրս գալը չի կարելի ծափողջյուններով ողջունել. Արմեն Մարտիրոսյան (Տեսանյութ)
21-02-2017 13:08:44 | Հայաստան | Հասարակություն
«Զարուհի Փոստանջյանի կուսակցությունից դուրս գալը ծափահարություններով չի կարելի ողջունել, բայց ես հարգում եմ նրա որոշումը»,- փետրվարի 21-ին լրագրողների հետ հանդիպման ժամանակ նշեց «Ժառանգություն» կուսակցության փոխնախագահ Արմեն Մարտիրոսյանը:
Վերջինս միայն համաձայն չէ Զ. Փոստանջյանի արած այն հայտարարության հետ, թե «Ժառանգությունը» շեղվել է քաղաքական գծից, ի սկզբանե որդեգրած սկզբունքներից ու ծրագրերից:
«Քաղաքական կյանքը, օրակարգը փոփոխական է և , եթե տիկին Փոստանջյանն այդպես է որոշել, ուրեմն այստեղ որևէ քննադատելու խնդիր չկա»,- ասաց նա` հավելելով, որ հնարավոր է իրենց ճանապարհները մի օր նորից խաչվեն:
Նրա խոսքերով` քաղաքական պայքարի արդյունքում հաճախակի են հանդիպում անհավանական դաշինքներ:
Միաժամանակ Ա. Մարտիրոսյանը հուս հայտնեց, որ երբևէ իր և Հանրապետական կուսակցության ներկայացուցիչներից` Էդուարդ Շարմազանովի, Արմեն Աշոտյանի կամ Հովհաննես Սահակյանի հետ ճանապարհները չեն հատվի:
ՀԱՅԵՐԵՆ
Русский
English
Դաս. հայերեն
French
