Իսրայելի ռազմական ինքնաթիռները հարվածել են Սիրայում իրանական հատուկ ջոկատայինների դիրքերին
22-02-2017 15:31:14 | Իսրայել | Վերլուծություն
Իսրայելական օդուժն այսօր վաղ առավոտյան հարվածներ է հասցրել սիրիական «Ալ Քութայֆա» լեռնային հատվածի ուղղությամբ: Տեղեկացնելով այս մասին, լուրը լիբանանյան VDL հեռուստաալիքը հաղորդել է նաև, որ Իսրայելը գրոհել է այդ լեռներում տեղակայված իրանական հատուկ ջոկատայինների դիրքերը: Հարձակման վայրը գտնվում է Սիրիայի և Լիբանանի սահմանագոտու մոտակայքում:
Մարդկային կորուստների մասին տեղեկություններ դեռ չեն հայտնվում: Հաղորդվում է նաև, որ իսրայելական կործանիչները թռիչքներ են կատարել լիբանանյան Բաալբեք քաղաքի վրայով:
«Սպուտնիկ»-ը, հղում կատարելով Սիրիայի բանակի աղբյուրների վրա, իր հերթին հաղորդել է, որ Սիոնիստական ռեժիմի ռազմական ինքնաթիռները ավիահարձակում են իրականացրել Ղալամունի լեռների մերձակայքում գտնվող Սիրիայի զորայինների դիրքերի դեմ: Խոսքը Դամասկոսի մերձակա տարածքների մասին է:
Սիրիացի մի պաշտոնատար հայտարարել է, որ այս հարձակման նպատակը ահաբեկիչների պաշտպանությունն է եղել:
Սիրիայի ճգնաժամի սկսվելուց ի վեր, Իսրայելը բազմիցս ռմբակոծել է ահաբեկիչների դեմ պայքարող Սիրիայի բանակի ու «Հըզբոլայի» ուժերի դիրքերը: Հիշենք, որ անցած ամիս էլ Իսրայելը ռմբակոծել էր Դամասկոսի մերձակա տարածքները, իսկ այս ամիս Իսրայելի մի ռազմական ուղղաթիռ հարձակում էր իրականացրել Ղանթիրայում գտնվող Սիրիայի կառավարական զորքերի դիրքերի դեմ:
ՀԱՅԵՐԵՆ
Русский
English
Դաս. հայերեն
French
