Նոր Կիլիկիա բնակավայրի կառուցումը նպաստելու է Կիչանի և Նոր Ղազանչիի դպրոցի աշակերտների թվի աճին. տնօրեն
24-02-2017 15:31:13 | Արցախ (ԼՂՀ) | Ի՞նչ է գրում մամուլը
Նոր Կիլիկիա բնակավայրի կառուցումն էականորեն նպաստելու է, որ երիտասարդները մշտապես հաստատվեն գյուղում:
Այս մասին «Արցախպրես»-ի թղթակցի հետ զրույցում ասել է Կիչանի և Նոր Ղազանչիի դպրոցի տնօրեն Կարինե Ասրյանը և ընդգծել, որ այս դեպքում բնակավայրի կառուցումը կնպաստի նաև դպրոց հաճախող աշակերտների թվի աճին:
«Դպրոցում սովորում են Կիչանի, Նոր Ղազանչիի և Նոր Կիլիկիայի 59 աշակերտներ: Կրթօջախը մասնագետ-ուսուցիչների պակաս չունի: Դպրոցում բարձր հիմքերի վրա է դրված ռազմահայրենասիրական դաստիարակությունը»,- տեղեկացրել է Կ. Ասրյանը և հավելել, որ կրթօջախն ապահովված է դպրոցական գույքով. միայն ունեն համակարգիչների պակաս:
Հավելենք, որ փետրվարի 2-ին Կիչանի և Նոր Ղազանչիի դպրոցն իրանահայ համայնքի կողմից մարզական գույք է ստացել:
ՀԱՅԵՐԵՆ
Русский
English
Դաս. հայերեն
French
