Գալուստ Սահակյանը շնորհավորական ուղերձ է հղել ՀՀ ժողովրդական արտիստուհի Ռաիսա Մկրտչյանին
25-02-2017 13:24:51 | Հայաստան | Մամլո հաղորդագրություն
ՀՀ Ազգային ժողովի նախագահ Գալուստ Սահակյանը ծննդյան օրվա առթիվ շնորհավորական ուղերձ է հղել ՀՀ ժողովրդական արտիստուհի Ռաիսա Մկրտչյանին:
Ուղերձում մասնավորապես ասված է.
«Ձեր անկրկնելի կատարումները, որոնք հնչել են տարբեր հայտնի համերգասրահներում, տարիներ շարունակ գեղարվեստական բարձր ճաշակ են ձեւավորել` դառնալով մեր մշակույթի եւ մասնավորապես էստրադային արվեստի ամենապայծառ էջերը:
Ձեր ձայնի ինքնատիպ հնչողությունը, արտիստական առանձնահատուկ հմայքը սիրում եւ հիշում են երգարվեստի բազմաթիվ սիրահարներ Հայաստանում ու նրա սահմաններից դուրս»:
Ազգային ժողովի նախագահը հոբելյարին մաղթել է առողջություն, բարեկեցություն եւ ստեղծագործական շարունակական եռանդ:
ՀԱՅԵՐԵՆ
Русский
English
Դաս. հայերեն
French
