Թուրքիայի հետ երկխոսությունն այլընտրանք չունի, սակայն Գերմանիային նացիզմի մեջ մեղադրելն անթույլատրելի է. Գերմանիայի արտգործնախարար
08-03-2017 13:28:47 | Գերմանիա | Միջազգային
Գերմանիան և Թուրքիան շահագրգռված են նորմալ երկխոսության վերսկսմամբ և չեն ցանկանում ունենալ երկարատև վատ հարաբերություններ:
tass-ի փոխանցմամբ` այդ մասին Բեռլինում հայտարարել է Գերմանիայի արտգործնախարար Զիգմար Գաբրիելն իր թուրք գործընկեր` Մևլութ Չավուշօղլույի հետ ունեցած հանդիպումից հետո:
Նշվում է, որ սա երկու երկրների կառավարությունների ներկայացուցիչների միջև տեղի ունեցած առաջին անձնական հանդիպումն է Die Welt պարբերականի թղթակցի ձերբակալությունից հետո:
«Ինչպես ես, այնպես էլ իմ թուրք գործընկերը ցանկանում ենք վերադառնալ հարաբերությունների նորմալ մակարդակի»,- ասել է Գաբիրելը` հավելելով, որ իրենք կարող են հաղթահարել ընթացիկ փորձությունները, եթե վարեն խելացի և հարգալից երկխոսություն:
Զիգմար Գաբրիելը նաև ընդգծել է, որ ինքը հստակ հասկացրել է իր թուրք գործընկերոջը, որ Գերմանիային նացիզմի հետ համեմատելն անթույլատրելի է: