Հունգարացի մասնագետներին հաջողվել է սովորական ավտոմեքենաները դարձնել ինքնակառավարվող, նորաձև և ժամանակակից
09-03-2017 15:12:24 | Հունգարիա | Գիտություն եւ տեխնոլոգիաներ
Որոշ հետազոտական տվյալների համաձայն` սովորական ավտոմեքենան 6000 ԱՄՆ դոլարով կարելի է վերածել ժամանակակից և նորաձև տրասնպորտային միջոցի, որը համալրված կլինի նաև ինքնակառավարվող համակարգով:
Հունգարական Almotive ընկերությունն առաջարկում է բոլոր ցանկացողներին իրենց մեքենաների վրա տեղադրել նորագույն տեխնոլոգիաներով և տեսախցիկներով հագեցած ինքնակառավարվող համակարգը:
Վերջինիս արհեստական ինտելեկտի և տեսախցիկների որակն այնքան բարձր է, որ թույլ է տալիս արագորեն կողմնորոշվել նույնիսկ այն տեղանքներում, որոնց համար նախատեսված երթուղիներ չկան:
Սակայն ինքնակառավարվող համակարգն ունի նաև թերություններ: Օրինակ՝ եղանակային վատ պայմանների ժամանակ համակարգի խափանվելու հավանականությունը բավականին մեծ է:
Նշվում է, որ ինքնակառավարող սարքը կտեղադրվի մեքենայի բեռնախցիկում և կզբաղեցնի շատ չնչին տարածք, իսկ մեքենան կկառավարվի հատուկ օպերացիոն համակարգի օգնությամբ, որն իր մեջ կներառի քաղաքների քարտեզները և ավոտաճանապարհային երթուղիները:
ՀԱՅԵՐԵՆ
Русский
English
Դաս. հայերեն
French
