ԱՄՆ սենատում դեմ են արտահայտվել նոր թևավոր հրթիռների մշակմանը
09-03-2017 17:11:19 | ԱՄՆ | Միջազգային
Դեմոկրատական կուսակցությունից ԱՄՆ 9 սենատորների խումբը կոնգրես է մտցրել օրինագիծ, որով կրճատվում է միջին հեռահարության նոր, միջուկային մարտագլխիկ կրելու հնարավորություն ունեցող հրթիռների մշակման համար կատարվող ֆինանսավորումը:
РИА Новости-ի փոխանցմամբ` այդ մասին նշել է օրինագծի հեղինակներից մեկը` մասաչուսեթցի սենատոր Էդա Մարկը:
Նրա խոսքերով, եթե Միացյալ Նահանգներն այլ երկրներից պահանջում է միջուկային զինանոցների կրճատում և միջուկային պատերազմի ծրագրերից հրաժարում, ապա Վաշինգտոնն առաջինը պետք է նախաձեռնությունն իր վրա վերցնի:
Է. Մարկն ընդգծել է, որ ԱՄՆ-ն պետք է հասնի միջուկային թևավոր հրթիռների արտադրության գլոբալ արգելքի, այլ ոչ թե միլիարդավոր դոլարներ ծախսի սպառազինության այդ վտանգավոր տեսակին:
ՀԱՅԵՐԵՆ
Русский
English
Դաս. հայերեն
French
