Ռ. Կլայդերմանը եւ Հայաստանի պետական կամերային նվագախմբը Երեւանում հանդես կգան համատեղ համերգային ծրագրով
14-03-2017 14:55:16 | Հայաստան | Մշակույթ
Այս տարի կանանց միամսյակի կապակցությամբ ֆրանսիացի աշխարհահռչակ դաշնակահար Ռիշարդ Կլյադերմանը կրկին կայցելի Հայաստան եւ իր անզուգական կատարումներով հանդես կգա հայ հանդիսականի առջեւ: Այս անգամ դաշնակահարին է միացել Հայաստանի պետական կամերային նվագախումբը:
Կարեն Դեմիրճյանի անվան մարզահամերգային համալիրի համերգային դահլիճը մարտի 18-ին ժամը 19:00-ին իր հյուրընկալ դռներն է բացում Ռիշարդ Կլյադերմանի արվեստը սիրողների եւ գնահատողների առաջ: Այդ օրը վերջինիս արվեստը սիրողների եւ գնահատողների համար տեղի կունենա դաշնակահարի և Հայաստանի պետական կամերային նվագախմբի համատեղ համերգը:
Համերգին կհնչեն հանրահայտ եւ սիրված Show time Murmurs, L for Love, Chariots of fire, Ballade pour Adeline, Corazon de Nino, Love at first sight, Childhood memories, Cinema Paradiso, Spartacus, Romeo and Juliet, Blue Rondo, America և այլ ստեղծագործությունները...
Հիշեցնենք, որ դասական, էթնիկ եւ ֆիլմերի երաժշտության գործիքավորող, կատարող դաշնակահար Ռիշար Կլայդերմանը ծնվել է 1953-ին, Փարիզում: Նա դաշնամուրի առաջին դասերը ստացել է երաժիշտ հորից` դեռ վաղ տարիքում, իսկ ընդամենը 12 տարեկանում արդեն կոնսերվատորիայի ուսանող էր:
Կլայդերմանը իր հիմնական ժամանակը նվիրել է կատարողական գործունեությանը:
Նրան ողջ աշխարհում հանրահռչակ դաշնակահար դարձրեց PauldeSennevile –ի գրած աշխարհահռչակ «Բալադ Ադելինի համար» ձայնասկավառակի թողարկումը, որը վաճառվեց աշխարհի ավելի քան 30 երկրներում 22 մլն օրինակով:
Նշենք, որ Ռ.Կլայդերմանը ձայնագրել է ավելի քան 1300 մեղեդիներ, եւ ստեղծել նոր ռոմանտիկ երգացանկ, յուրօրինակ ոճով՝ միավորելով դասական եւ փոփ երաժշտությունը:
Տեղեկացնենք, որ աշխարհահռչակ դաշնակահարը նշվել է համաշխարհային ռեկորդների Գինեսի գրքում` որպես «the most successful pianist in the world» («աշխարհի ամենահաջողակ դաշնակահար»):
ՀԱՅԵՐԵՆ
Русский
English
Դաս. հայերեն
French
