Թուրքական իշխանությունները Հրանտ Դինքի սպանությունը բարդում են Ֆեթուլլահ Գյուլենի վրա
22-03-2017 19:28:44 | Թուրքիա | Հասարակություն
Ֆեթուլլահ Գյուլենը և ևս հինգ մարդ հայտնվել են Թուրքիայում հրատարակվող «Ակոս» շաբաթաթերթի գլխավոր խմբագիր Հրանտ Դինքի սպանության գործով կալանավորելու և ձերբակալելու անձանց ցուցակում: TASS-ի փոխանցմամբ` Ստամբուլի գլխավոր դատախազությունն ավելի վաղ հանձնարարել էր ձերբակալել Գյուլենին, նրա երկու փաստաբաններին, լրագրող Ադեմ Յավուզին, փախսուստի մեջ գտնվող դատախազ Հակեր Օզային և «Զաման» թերթի նախկին գլխավոր խմբագիր Էքրեմ Դումանլիին: Վերջիններս մեղադրվում են Դինքի սպանության մեջ:
Նշվում է, որ ոստիկանությունը չի կարողացել կասկածյալներին հայտնաբերել նրանց ենթադրյալ ներկայության հասցեներում, ինչի կապակցությամբ դատախազությունը դիմել է դատարան այդ անձանց ձերբակալության լիազորագրեր ստանալու համար:
Հիշեցնենք, որ Հրանտ Դինքը սպանվել է 2007 թվականի հունվարի 19-ին Ստամբուլում 17-ամյա ազգայնական Օգյուն Սամասթի կողմից, ով 2011 թվականին դատապարտվել էր 22 տարի ազատազրկման:
Սակայն, ավելի ուշ, դատախազությունը Դինքի գործը կապել է «Էրգենիկոն» ծայրահեղ աջ կազմակերպության գործունեության հետ:
ՀԱՅԵՐԵՆ
Русский
English
Դաս. հայերեն
French
