Բուլղարիայի մայրաքաղաք Սոֆիայում մարտի 23-24-ը կայացած «Տրանսպորտային ոլորտի ներդրումային հնարավորություններ» խորագրով տարածաշրջանային համաժողովի շրջանակներում ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը առանձին հանդիպում է ունեցել Բուլղարիայի Հանրապետության տրանսպորտի, կապի և տեղեկատվական տեխնոլոգիաների նախարար Հրիստո Ալեքսիևի հետ:
Հանդիպման ընթացքում կողմերը քննարկել են տրանսպորտի, կապի և տեղեկատվական տեխնոլոգիաների ոլորտների զարգացման հեռանկարներին առնչվող, ինչպես նաև երկկողմ հետաքրքրություն ներկայացնող մի շարք այլ հարցեր:
Կարևորվել է Հայաստանի և Բուլղարիայի միջև համագործակցությունը Պարսից ծոց - Սև ծով տրանսպորտային միջանցքում, «ՏՐԱՍԵԿԱ» միջկառավարական հանձնաժողովի շրջանակներում:
Վահան Մարտիրոսյանը, լինելով տնտեսական և գիտատեխնիկական համագործակցության հարցերով հայ-բուլղարական միջկառավարական հանձնաժողովի հայկական կողմի նախագահ, տեղեկացրել է, որ հաջորդ նիստը կայանալու է
Երևանում և Հրիստո Ալեքսիևին հրավիրել է Հայաստան:
ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայություն