Ես ճանաչում եմ, որ «հաղթողների» հենարանը սովալուկ ու արժանապատվությունը կորցրած զանգվածն է. Ստյոպա Սաֆարյան

04-04-2017 16:32:57 | Հայաստան | Հասարակություն

Ընտրությունների նախնական արդյունքների մասին ֆեյսբուքյան իր էջում հայտարարություն է արել նաև «Ազատ դեմոկրատներ» կուսակցության կողմից առաջադրված պատգամավորության թեկնածու Ստյոպա Սաֆարյանը:

Նա գրել է.

-- Ես ճանաչում եմ, որ որ 70 տոկոս ավել ստացած ուժերը մեշոկով ու զանգվածաբար փող են բաժանել, որովհետև իրենք էլ հայտարարել են, որ դա նվիրատվություն ու հոգու ցանկություն է:

-- Ես ճանաչում եմ, որ դպրոցների ու նախակրթարանների ՀՀԿ-ական տնօրենները, ԲՀԿ-ական թեկնածուները նախապես "ցուցակագրել" էին ընտրողներին...

-- Ես ճանաչում եմ, որ այդ ուժերն իրենց ընտրողներին մեքենաներով ու ուղեկցությամբ բերել են տեղամասեր, որովհետև իրենց խոսքը գործ է, իրենց կարգախոսը՝ անվտանգություն և առաջընթաց:

-- Ես ճանաչում եմ, որ թոռնիկների "ուղեկցությամբ" ու "հոգատար" վերահսկողության ներքո պահպանվել է ընտրակաշառք վերցրած "ընտրողների" մտքի "սթափությունը" և այդ ուժերի հետ կնքված գործարքի "բարոյականությունը":

-- Ես ճանաչում եմ, որ ամենառեյտինգով տղերքը ամենափողատեր տղերքն են:

-- Ես ճանաչում եմ, որ "հաղթողների" հենարանը սովալուկ ու արժանապատվությունը կորցրած զանգվածն է:

--Ես ճանաչում եմ, որ դուք սովածների մեջ ամնակուշտն եք:

--Ես ճանաչում եմ, որ 1.5 միլիոն ընտրողների մասնակցությունից շոկի մեջ եմ, ուրախությունս անսահման է, որովհետև դա նշանակում է, որ ներգաղթի արդյունքում ավելացած ազգաբնակչության երեխաների համար ու ՀՀԿ-ԲՀԿ դուետի խոստացված 5+15 միլիարդ ներդրման շնորհիվ նոր դպրոցներ են բացվելու, զինակոչիկների թիվը շատանալու է...

-- Ես ճանաչում եմ, որ իմ կարդացած քաղաքագիտության գրքերում այս ամենը ընտրություն չի կոչվում:

Ես ճանաչում եմ, որ չեմ ճանաչում այս մի ընտրութունն էլ որպես ընտրություն....

Նոյյան տապան - Հասարակություն

Կարդացել են 1741 անգամ

Ես ճանաչում եմ, որ «հաղթողների» հենարանը սովալուկ ու արժանապատվությունը կորցրած զանգվածն է. Ստյոպա Սաֆարյան

Noyan Tapan TV