8 ժամվա փոխարեն աշխատելու ենք 12 ժամ` ներառյալ շաբաթ օրերը. ՀՀ ֆինանսների նախարար (տեսանյութ)
06-04-2017 15:06:29 | Հայաստան | Հասարակություն
8 ժամվա փոխարեն աշխատելու ենք 12 ժամ` ներառյալ շաբաթ օրերը: Այս մասին ապրիլի 6-ին կայացած ՀՀ կառավարության նիստից հետո լրագրողների հետ զրույցում հայտարարեց ՀՀ ֆինանսների նախարար Վարդան Արամյանը` անդրադառնալով, ավելի վաղ, վարչապետ Կարեն Կարապետյանի կողմից իր թիմակիցներին ուղղված հորդորին արտակարգ ռեժիմով աշխատելու մասին:
Ըստ նախարարի` աշխատանքային ավելացված ժամերի ընթացքում փորձելու են լուծել Հայաստանի տնտեսության առջև ծառացած խնդիրները:
Նրա խոսքերով` իրենք բավականին բարձր նշաձող են սահմանել իրենց գործունեության արդյունքների հետ կապված, հետևաբար աշխատելու են իրականացնել իրենց առջև դրված ծրագրերը` այդպիսով նպաստելով երկրի տնտեսությունում էական փոփոխություններ արձանագրելուն: