Սիրիայում կատարած ռազմամոլական քայլերն անհետևանք չեն լինելու հենց ամերիկացիների համար
09-04-2017 15:45:26 | ԱՄՆ | Քաղաքական
Իրանի իսլամական խորհրդարանի նախագահ Ալի Լարիջանին ասել է, որ «Անիրական հայտարարություններ անելով, ԱՄՆ-ը Սիրիայի դեմ գործողություն է իրականացրել, որը որևէ կերպ չի արդարացնում մարդու կամ միջազգային իրավունքների պաշտպանության մասին հայտարարությունները»:
Քննադատելով Սիրիայի ավիաբազայի վրա ԱՄՆ-ի կատարած հրթիռային հարձակումը, Իրանի խորհրդարանի նախագահը հայտարարել է.
«ԱՄՆ կառավարությունն առանց հավաստի ապացույցների և միջազգային կառույցների քննարկումների, քիմիական զենքերի կիրառման պատճառաբանությամբ, հարձակվել է Սիրիայի վրա ՝ ծանր վնասներ պատճառելով այդ երկրին»:
Դատապարտելով քիմիական հարձակման պատճառաբանությամբ Սիրիայի վրա ԱՄՆ-ի հրթիռային հարձակումը, Իրանի Իսլամական Հանրապետության խորհրդարանի ղեկավարը հանդես է եկել մանրամասնությունները պարզելու նպատակով փաստահավաք խումբ ձևավորելու առաջարկով:
«Իրանն ընդհանրապես դեմ է քիմիական հարձակումներին և դատապարտում է արկածախնդրական քայլերի հանգեցնող սուտ ու անհիմն հայտարարությունները»,-ասել է պարոն Լարիջանին:
Իրանի խորհրդարանի նախագահը նախազգուշացնելով ԱՄՆ կառավարությանը, ասել է նաև. «Վերջին տարիներին տարածաշրջանում և Սիրիայում այդ երկրի կատարած ռազմամոլական քայլերն անհետևանք չեն լինելու հենց ամերիկացիների համար»:
ՀԱՅԵՐԵՆ
Русский
English
Դաս. հայերեն
French
