Հասան Ռոհանին պաշտոնապես դարձել է Իրանում անցկացվելիք նախագահական ընտրությունների թեկնածու
14-04-2017 18:15:08 | Իրան | Հասարակություն
Իրանի գործող նախագահ Հասան Ռոհանին պաշտոնապես գրանցվել է որպես մայիսի 19-ին նախատեսված նախագահական ընտրությունների թեկնածու: Interfax-ի փոխանցմամբ` գրանցվելու համար Ռոհանին ժամանել է Իրանի Ներքին գործերի նախարարություն:
Ավելի վաղ հաղորդվել է, որ նախագահական ընտրություններում պոտենցիալ թեկնածուների կարգավիճակով արդեն գրանցվել է 120-ից ավելի մարդ: Նրանցից ամենատարեցը 79 տարեկան է, իսկ ամենակրտսերը` 18:
Նշվում է, որ նախագահի պաշտոնի համար տղամարդ թեկնածուների հետ կմրցեն նաև վեց կանայք:
Մայիսի 19-ին նախատեսված ընտրությունները կլինեն 12-րդն Իրանում:
Նախագահական ընտրությունների որպես թեկնածու գրանցվելու համար փաստաթղթեր են ներկայացրել նաև Իրանի նախկին նախագահ Մահմուդ Ահմադինեջադը և նախկին փոխնախագահ Համիդ Ռեզա Բաքայը:
Նախագահական ընտրություններում պոտենցիալ թեկնածուները կարող են գրանցվել մինչև ապրիլի 15-ը ներառյալ, այնուհետ նրանց մասնակցությունն ընտրություններին պետք է հաստատի Իրանի Սահմանադրության պահապանների խորհուրդը:
Թեկնածուների վերջնական ցուցակը հրապարակվելու է ապրիլի 26-27-ը: Նախընտրական քարոզչությունը մեկնարկելու է ապրիլի 28-ից և ավարտվելու է մայիսի 17-ին:
ՀԱՅԵՐԵՆ
Русский
English
Դաս. հայերեն
French
