11 երկրներ կոչ են արել Վենեսուելայի իշխանություններին հարգել ցույցերի ազատությունը
18-04-2017 11:56:08 | | Հասարակություն
Վենեսուելայում նախօրեին իրականացվող զանգվածային բողոքի ակցիաների հետ կապված Լատինական Ամերիկայի 11 պետությունները կոչ են արել Կարակասի իշխանություններին հարգել ցույցերի ազատությունը։ korrespondent.net-ի փոխանցմամբ՝ այդ մասին նշվում է այն համատեղ հայտարարության մեջ, որը հավանության է արժանացել Արգենտինայում, Բրազիլիայում, Չիլիում, Կոստա Ռիկայում, Գվատեմալայում, Հոնդուրասում, Կոլումբիայում, Մեքսիկայում, Պարագվայում, Պերույում և Ուրուգվայում։
Հայտարարությունը ստորագրած վերոնշյալ երկրները խորը անհանգստություն են հայտնել Վենեսուելայում իրականացաված ցույցերի ընթացքում մարդկանց նկատմամբ կիրառվող բռնությունների և մասնակցիների մահվան կապակցությամբ։ Նշվում է, որ այդ բողոքի ակցիաների ընթացքում արդեն հինգ մարդ է զոհվել։
Ապրիլի 19-ին նախագահ Նիկոլաս Մադուրոյի հակառակորդները նոր զանգվածային բողոքի ակցիաներ են ծրագրել։ Նրանք Մադուրոյին մեղադրում են երկրում առաջացած խորը տնտեսական ճգնաժամի մեջ։
Իր հերթին նախագահ Ն․ Մադուրոն հայտարարել է իր այն մտադրության մասին, որ պատրաստվում է զինվորականներին տեղակայել ամբողջ Վենեսուելայի տարածքում։
Իր հակառակորդներին նա անվանել է դավաճաններ։
Վենեսուելայի նախագահը նաև մտադիր է զինված ազգային միավորների թիվը 100-ից հասցնել 500-ի, ընդ որում նրանցից յուրաքանչյուրը կստանա զենք։
ՀԱՅԵՐԵՆ
Русский
English
Դաս. հայերեն
French
