Քաղաքական խորհրդատվություններ Հայաստանի և Ռուսաստանի արտաքին գործերի նախարարությունների միջև
20-04-2017 16:47:25 | Հայաստան | Մամլո հաղորդագրություն
Ապրիլի 19-ին ՀՀ արտաքին գործերի նախարարարությունում տեղի ունեցան քաղաքական խորհրդատվություններ Հայաստանի և Ռուսաստանի ԱԳ նախարարությունների միջև: Հայկական կողմը գլխավորում էին ՀՀ ԱԳՆ Սպառազինությունների վերահսկման ու միջազգային անվտանգության վարչության պետ Գագիկ Հովհաննիսյանը և Եվրոպայի վարչության պետ Գագիկ Ղալաչյանը, իսկ ռուսական կողմը՝ Ռուսաստանի ԱԳՆ Համաեվրոպական համագործակցության դեպարտամենտի տնօրեն Անդրեյ Կելինը:
Խորհրդատվություններին կարծիքներ փոխանակվեցին համաեվրոպական համագործակցության ու անվտանգության արդի խնդիրների և դրանց լուծումներ գտնելու հնարավորությունների շուրջ: Անդրադարձ կատարվեց նաև համաեվրոպական կառույցների շրջանակներում ծավալվող գործընթացներին:
Խորհրդատվությունների ավարտին ռուսաստանյան պատվիրակությանը հանդիպեց ԱԳ նախարարի տեղակալ Աշոտ Հովակիմյանը։
Նույն օրը Աշոտ Հովակիմյանը և Անդրեյ Կելինին Հայաստանի արտգործնախարար Էդվարդ Նալբանդյանին ներկայացրին խորհրդատվությունների արդյունքները։
ՀԱՅԵՐԵՆ
Русский
English
Դաս. հայերեն
French
