Այսօր մեկնարկում է Երևանի ավագանու ընտրությունների նախընտրական քարոզարշավը
21-04-2017 14:42:10 | Հայաստան | Քաղաքական
Այսօր` ապրիլի 21-ին մեկնարկում է Երևանի ավագանու ընտրությունների նախընտրական քարոզարշավը:
Ընտրություններին մասնակցելու հայտ է ներկայացրել քաղաքական 3 ուժ` Հայաստանի Հանրապետական կուսակցությունը, «Ելք» դաշինքը և «Երկիր ծիրանի» կուսակցությունը:
«Ելք»-ն արդեն հայտարարել է, որ քարոզարշավի մեկնարկն ազդարարելու է երթով: «Դաշինքը հրավիրում է երթի, որը կմեկնարկի ժամը 18:00-ին` «Բարեկամության ձեռքեր» հուշարձանին հարող տարածքից:
Երթն ավարտվելու է 19:00-ին` Հյուսիսային պողոտա - Տերյան խաչմերուկին հարող տարածքում, որտեղ կկայանա հավաք և համերգ»,- նշված է հայտարարության տեքստում:
Ինչ վերաբերում է ՀՀԿ-ին, նախընտրել են քարոզչության՝ բակային հանդիպումների տարբերակը, և այսօր իրենց առաջին հանդիպումը տեղի կունենա Էրեբունի վարչական շրջանում։
«Երկիր ծիրանին» էլ հայտարարել է, որ քարոզարշավն սկսելու են հեծանվաերթով, որը կմեկնարկի Ազատության հրապարակից` ժամը 17:00-ին:
ՀԱՅԵՐԵՆ
Русский
English
Դաս. հայերեն
French
