Մեկնարկել է ջրացատկի ՀՀ առաջնությունը

21-04-2017 14:57:40   | Հայաստան  |  Սպորտ
Դավիթ Համբարձումյանի անվան ջրացատկի օլիմպիական հերթափոխի մասնագիտացված մանկապատանեկան մարզադպրոցում մեկնարկել է ջրացատկի ՀՀ առաջնությունը:
 


Մեկնարկային օրը՝ ապրիլի 21-ին, մրցասպարեզ են դուրս եկել 14 մարզիկ, որոնք ուժերն են չափել 1 մ ոստնակացատկ մրցաձևում:
 
Առաջնության 2-րդ օրը մարզիկներն ուժերը կչափեն 3 մ ոստնակացատկում, իսկ եզրափակիչ օրը՝ ապրիլի 23-ին, կմրցեն աշտարակացատկ մրցաձևերում: Նույն օրը՝ ժամը 11-ին, տեղի կունենա հաղթողների և մրցանակակիրների պարգևատրման արարողությունը:
 
Նշենք, որ հանրապետական առաջնությունից հետո ՀՀ ջրացատկի հավաքականի անդամներ Ազատ Հարությունյանը և Վլադիմիր Հարությունյանը գլխավոր մարզիչ Հրաչյա Չանդիրյանի գլխավորությամբ ապրիլի 24-ին կմեկնեն Կիև՝ մասնակցելու Ուկրաինայի գավաթի բաց առաջնությանը:
 
 
Նոյյան տապան   -   Սպորտ
Լուրեր Հայաստանից եւ Սփյուռքից