Ռուս զինծառայողի սպանության գործով ձերբակալվել է ազգությամբ հայ 20-ամյա մի երիտասարդ (տեսանյութ)
22-04-2017 22:38:00 | Հայաստան | Իրավունք
Ապրիլի 22-ին Գյումրիի Բուլվարային փողոցի մոտ գտնվող Արգո խանութի մոտ հայտնաբերվել է ռուսական 102-րդ ռազմաբազայի պայմանագրային զինծառայող, 1996թ․ ծնված Դմիտրի Սերգեյի Յալպաևի դին` պարանոցի շրջանում սուր կտրող, ծակող գործիքից ստացած վնասվածքով։
ՀՀ գլխավոր դատախազությունից տեղեկացնում են, որ դեպքի առթիվ հարուցվել է քրեական գործ` 104-րդ հոդվածի 1-ին մասի հատկանիշներով։
Սպանությունը կատարելու կասկածանքով ձերբակալվել է մեկ անձ։
Ձեռնարկվում են անհրաժեշտ միջոցառումներ՝ դեպքի բոլոր հանգամանքները պարզելու, բազմակողմանի, օբյեկտիվ եւ լրիվ քննություն ապահովելու նպատակով:
Հավելենք, որ սպանության հետ առնչության կասկածանքով ոստիկանության բաժին բերման ենթարկված անձն ազգությամբ հայ, 20-ամյա Ջ. Ա.-ն: ԶԼՄ-ներում հրապարակված նախնական տեղեկությունների համաձայն, սպանությունը տեղի է ունեցել կենցաղային հողի վրա, նա քաշքշել են ռուս զինծառայողի ձեռքի պայուսակը, ապա դանակով հարձակվել նրա վրա: