Աֆղանստանի հյուսիսում ԻՊ-ի և «Թալիբանի» միջև տեղի ունեցած մարտերի արդյունքում 91 զինյալ է զոհվել
26-04-2017 18:28:09 | Աֆղանստան | Հասարակություն
Աֆղանստանի հյուսիսում գտնվող Ջաուզջան նահանգում «Թալիբան» շարժման և «Իլսամական պետություն» ահաբեկչական խմբավորման միջև տեղի ունեցած մարտերի արդյունքում զոհվել է առնվազն 91 զինյալ: Interfax-ի փոխանցմամբ` այդ մասին հաղորդում է The Associated Press-ը:
Աղբյուրի տեղեկացմամբ` թալիբների կողմից զոհերի թիվը կազմում է 76 մարդ, իսկ ԻՊ-ի կողմից` 15 մարդ: Այդուհանդերձ, ԻՊ ահաբեկիչներին հաջողվում է թալիբներից վերցնել երկու շրջաններ և վերահսկողություն սահմանել դրանց վրա:
Տեղի ոստիկանության տվյալներով` մարտերի ընթացքում խաղաղ բնակիչներ չեն տուժել, քանի որ դրանք ընթացել են Աֆղանստանի հեռավոր և մեկուսացված շրջաններում:
AP-ը հիշեցնում է, որ Աֆղանստանում տեղի ուժերի մեծ մասը կազմում են «Թալիբանի» նախկին զինյալները:
ՀԱՅԵՐԵՆ
Русский
English
Դաս. հայերեն
French
