27-04-2017 11:14:42 | Հայաստան | Մամլո հաղորդագրություն
Ապրիլի 26-27-ը ՀՀ ԱԻՆ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:
Մասնավորապես` Երևան քաղաքի Արցախի պողոտայի 4-րդ նրբանցքի թիվ 5 շենքի մոտակայքում այրվել է մոտ 500 քմ բուսածածկույթ, Ծիծեռնակաբերդի խճուղու մոտակայքում՝ մոտ 1000 քմ, Վարդաշենի 9-րդ փողոցի մոտակայքում՝ 3000 քմ:
Սյունիքի մարզի Այգեձոր գյուղի մոտակայքում այրվել է մոտ 800 քմ խոտածածկ տարածք, Կոտայքի մարզի Աբովյան քաղաքի Դարանի փողոցի թիվ 5 շենքի մոտակա այգում՝ 2 խմ կուտակված փայտ, Ներքին Պտղնի գյուղի 5-րդ փողոցի վերջնամասում՝ մոտ 100 քմ բուսածածկույթ, Վերին Պտղնի-Ներքին Պտղնի ավտոճանապարհի 5-րդ կմ-ի մոտակայքում՝ մոտ 300 քմ բուսածածկույթ, Գեղարքունիքի մարզի Սևան քաղաքի «Նոր թաղ» թաղամասում՝ 400 քմ բուսածածկ տարածք և մոտ 100 տնկի, Արագածոտնի մարզի Ուշի գյուղի մոտակա դաշտում՝ մոտ 4 հա:
Բոլոր հրդեհները հրշեջ-փրկարարները մեկուսացրել են և մարել:
ՀԱՅԵՐԵՆ
Русский
English
Դաս. հայերեն
French
