Վարչապետը հանձնարարականներ տվեց Աշխատանքային օրենսգրքի արմատական բարեփոխման վերաբերյալ
27-04-2017 12:24:50 | Հայաստան | Հասարակություն
ՀՀ Կառավարության նիստի ընթացքում վարչապետ Կարեն Կարապետյանի կողմից տրված երկրորդը հանձնարարականը վերաբերում էր աշխատանքային հարաբերությունները կարգավորող օրենսդրության արմատական բարեփոխմանը:
Ըստ նրա՝ Աշխատանքի և սոցիալական հարցերի նախարարը, ինչպես նաև օրենսդրությամբ կարգավորող Ազգային կենտրոնը ներկայացրել են աշխատանքային օրենսգրքում փոփոխություններ կատարելու առաջարկություններ, որոնք կոչված են թեթևացնել վարչական բեռը գործատուների համար:
«Այդ նախագծերի քննարկումները ցույց տվեցին, որ թեև իրենք պարունակում են խիստ անհրաժեշտ կարգավորումներ, սակայն խնդիրը շատ ավելի խորքային է և աշխատանքային օրենսգիրքն արմատական վերանայման կարիք ունի»,- ասաց Կ. Կարապետյանը:
Հաշվի առնելով վերոնշյալը նա Աշխատանքի և սոցիալական հարցերի ու Արդարադատության նախարարներին հանձնարարեց ստեղծել համատեղ աշխտանքային խումբ և երկամսյա ժամկետում կառավարության աշխատակազմ ներկայացնել աշխատանքային օրենսգրքի արմատական փոփոխությունների նախագիծ կամ նոր օրսնգիրք, որը համահունչ կլինի կառավարության կողմից որդեգրած ծրագրին և ժամանակակից եվրոպական մոտեցումներին:
Այնուհետև, գործադիրի ղեկավարը հորդորեց արագացնել արդեն իսկ մշակված օրենսդրական նախագծերի ընդունումը, որպեսզի այս 9-ամսյա ժամանակահատվածում հնարավոր լինի արձանագրել շոշափելի առաջընթաց նշված ուղղությամբ: