Քարքարի տեղանքում երկրաջերմային ռեսուրսը բավարարում է ջերմաէլեկտրակայան կառուցելու համար. փոխնախարար (տեսանյութ)
28-04-2017 18:27:22 | Հայաստան | Տնտեսություն
Քարքարի երկրաջերմային տեղանքում երկրաջերմային ռեսուրսի վերաբերյալ մասնագետների նախնական գնահատականը հաստատվել է: Այժմ խորհրդատուների հետ մշակվում է համապատասխան ծրագրի տեխնիկատնտեսական հիմնավորումը:
Ինչպես ապրիլի 28-ին լրագրողների հետ հանդիպման ընթացքում նշեց ՀՀ Էներգետիկ ենթակառուցվածքների և բնական պաշարների նախարարի տեղակալ Հայկ Հարությունյանը, նախորդ տարի տեղանքում կատարվել են հորատման աշխատանքներ, արդյունքում այսօր կա երկու հորատանցք, որոնցից մեկը 1495 մետր խորության վրա, իսկ մյուսը` 1682-ի:
Հ. Հարությունյանի խոսքերով` Քարքարում ջերմաէլեկտրակայան կառուցելու ծրագիրը ցանկանում են մրցույթի դնել 2018 թվականի վերջին: