Մարզերի և մայրաքաղաքի 200-ից ավելի պատանի թղթակիցներն առաջին անգամ պագևատրվեցին իրենց կատարած աշխատանքի համար. (Տեսանյութ)
30-04-2017 15:58:41 | Հայաստան | Հասարակություն
Հայաստանի պատանի թղթակիցների ցանցն այլևս սովորական հարթակ չէ ինքնաարտահայտվելու համար, այլ գործող լրատվամիջոց, որն էականորեն տարբերվում է ոլորտում եղածներից: Ցանցի պաշտոնական 17.am կայքէջում մարզերի և Երևանի 14-24 տարեկան 1000-ից ավելի թղթակիցներն ամեն օր վիդոռեպորտաժների, լուսանկարների ու տպագիր նյութերի միջոցով պատմում են իրենց առօրյայի, հասարակ ժողովրդի հոգսերի և ուրախությունների, ուսման ընթացքում իրենց հանդիպող խնդիրների և շատ այլ թեմաների մասին:
Երկու տարի առաջ մեկնարկած ծրագիրը ֆինանսավորովում է Եվրոպական միության կողմից և իրականացվում է «Մանանա» մանկապատանեկան կրթամշակութային կենտրոնի կողմից:
Լրագրության, ֆոտոլրագրության և վավերագրական կինոյի վերաբերյալ նախանական գիտելիքներ ձեռք բերելու համար պատանի թղթակիցների համար պարբերաբար իրենց բնակության վայրերում կազմակերպվում են սեմինարներ և վարպետության դասեր:
Ռուզաննա Բաղդասարյանի գնահատմամբ` Հայաստանի պատանի թղթակիցների ցանցը փոխում է դպորցահասակների ու երիտասարդների աշխարհահայացքը, նրանց կրթում ու դաստիարակում է որպես երկրի ակտիվ քաղաքացիներ, որոնք անտարբեր չեն իրենց շրջապատում կատարվող դեպքերի ու իրադարձությունների նկատմամբ:
Հայաստանի պատանի թղթակիցների ցանցի հետ ծանոթանալուց հետո Արտյոմը որոշել է հաղորդավար կամ դերասան դառնալ, առայժմ հարցազրույցներ է կատարում անվանի լիճքեցիների հետ:
Իսկ ահա Դիանա Հովսեփյանին գրավում է ֆոտոլրագրությունը. նա որոշել է հենց այդ ուղղությամբ շարունակել իր մասնագիտացումը:
Սահմանապահ բաղանիսցիների առօրյան չի վրիպում 17.am-ի տավուշեցի թղթակից Դավիթ Ալեքսանյանի ուշադրությունից: Վերջինս նույնպես որոշել է լրագրող դառնալ:
«Երիտասարդների արտահայտման ազատության խթանումը քաղաքացիական լրագրության միջոցով» խորագիրը կրող ծրագրի արդյունքներն ամփոփելու նպատակով Երևանում առաջին անգամ տեղի ունեցավ մրցանակաբաշխություն և պատանի թղթակիցների լուսանկարների ցուցահանդես:
«Լավագույն ակնարկագիր», «Լավագույն հրապարակախոս», «Ամենահուզիչ նյութի հեղինակ», «Ամենաստեղծագործ թիմ» և այլ անվանակարգերում հաղթողները պարգևատրվեցին մրցանականերով, նրանցից բացի խրախուսական նվերներ ստացան նաև առավել աչքի ընկած պատանի թղթակիցները:
Վերջիններիս աշխատանքը շարունակական դարձնելու և ցանցի գործունեություն ավելի ընդարձակելու նպատակով պատանի լրագրողներին հանձնվեցին աշխատանքային գործիքներ` համակարգիչներ, պլանշետներ, ֆոտոապարատներ:
ՀԱՅԵՐԵՆ
Русский
English
Դաս. հայերեն
French
