Ոստիկանության տարածքային բաժինների պետերի հերթական մասնագիտական պարապմունքը (ՏԵՍԱՆՅՈՒԹ)
11-05-2017 20:03:12 | Հայաստան | Մամլո հաղորդագրություն
Մայիսի 11-ին տեղի ունեցավ ոստիկանության տարածքային բաժինների պետերի հերթական մասնագիտական պարապմունքը, որը վարում էր ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանը:
Խոսելով հետախուզման մեջ գտնվող եւ անհայտ կորած անձանց հայտնաբերելու ուղղությամբ միջոցառումների արդյունավետության բարձրացման մասին` Հունան Պողոսյանը կարեւորեց ոստիկանության տարբեր ծառայությունների համագործակցությունը:
Հետախուզման մեջ գտնվող անձանց անձնագրավորման առանձնահատկությունների, ինչպես եւ հետախուզման մեջ գտնվող անձի կողմից անձնագրային ծառայություն դիմելիս անձնագրային ծառայության եւ ոստիկանության տարածքային բաժնի համագործակցության մասին խոսեց ոստիկանության անձնագրային եւ վիզաների վարչության պետ Մնացական Բիչախչյանը։ Իսկ ոստիկանության հասարակական կարգի ապահովման վարչության պետի տեղակալ Կարեն Մեհրաբյանը ներկայացրեց ոստիկանության պրոֆիլակտիկայի ստորաբաժանումների կողմից իրականացվող հետախուզական աշխատանքները։
Ավարտին ոստիկանության պետի առաջին տեղակալ Հունան Պողոսյանը կոնկրետ հանձնարարականներ տվեց տարածքային բաժինների պետերին։
ՀԱՅԵՐԵՆ
Русский
English
Դաս. հայերեն
French
