Հրապարակված փաստերը ճշտելու համար Բնապահպանական պետական տեսչության աշխատակիցները կատարել են ուսումնասիրություններ
18-05-2017 18:22:01 | Հայաստան | Մամլո հաղորդագրություն
ՀՀ բնապահպանության նախարարության «Թեժ գծով» ստացված 2017 թվականի մայիսի 16-ի ՀՀ Տավուշի մարզի Կողբ համայնքի տարածքում ծառերի հատման ահազանգում հարապարակված փաստերը ճշտելու համար Բնապահպանական պետական տեսչության աշխատակիցների կողմից կատարվել են ուսումնասիրություններ «Հայանտառ» ՊՈԱԿ-ի «Նոյեմբերյանի անտառտնտեսության» Զիկատարի անտառպետության տարածքում /«Զիկատար» արգելավայրի տարածքից դուրս/:
Ուսումանսիրությամբ պարզվել է, որ նշված տարածքը գտնվում է «Հայանտառ» ՊՈԱԿ-ի «Նոյեմբերյանի անտառտնտեսության» Զիկատարի անտառպետության 1-ին պահաբաժնում, որտեղ հայտնաբերվել են բազմաթիվ քամատապալ, համարակալված և կնքված ծառեր:
Ըստ անտառտնտեսության տնօրենի հայտարարության, տվյալ տարածքում եղած թափուկ քամատապալ փայտանյութի մի մասը, որ որակյալ է եղել` վաճառվել է տնտեսության կողմից, իսկ մնացած մասը, որպես անվճար թափուկ-վառելափայտ` տրվել է ազգաբնակչությանը, որի մի մասն էլ առայժմ տեղում է: Ինչ վերաբերում է այն նկարում պատկերված տապալված ծառին, որի վրա երևում է ճոպանի հետք, այն առաջացել է Կողբ գյուղի բնակիչ Վարդան Տիրացվյանի կողմից իր մեքենայով տեղաշարժելիս, որի համար նա ունեցել է «Նոյեմբերյանի անտառտնտեսության» 2017թ-ի փետրվարի 24-իտրված N 041247 անդորրագիրը:
Այս պահի դրությամբ քամատապալ ծառերից տնտեսության անտառպետություններում կնքված են 4.373 հատ տարբեր տեսակի ծառեր, որոնք հաշվառված են, կնքված և ենթակա են իրացման:
Պարզաբանում ձկների անկման վերաբերյալ
ՀՀ բնապահպանության նախարարության <Թեժ գծով> ստացված 2017 թվականի մայիսի 15-ի`Ծաղկունյաց լճում մեծ թվով ձկների անկման ահազանգի վերաբերյալ տեղեկացնում ենք, որ Բնապահպանական պետական տեսչության աշխատակիցների կողմից կատարված ջրի նմուշառման լաբորատոր անալիտիկ հետազոտության արդյունքում թունավոր տարրեր չեն հայտնաբերվել:
Ձկների զանգվածային անկման պատճառ է հանդիսացել խստագույն ձմեռը, ինչի հետևանքով լիճը ծածկվել է սառույցով՝ առաջացնելով թթվածնային քաղց: