Հասան Ռոհանին վերընտրվել է Իրանի նախագահի պաշտոնում
20-05-2017 14:24:55 | Հայաստան | Ի՞նչ է գրում մամուլը
Իրանում մայիսի 19-ին կայացած նախագահական ընտրությունների արդյունքում հաղթել է գործող նախագահ Հասան Ռոհանին:
Ինչպես հայտնում է Reuters-ը, երկրի պետական հեռուստատեսությունը պաշտոնապես շնորհավորել է նախագահին վերընտրման կապակցությամբ՝ չնայած, որ ընտրողների ձայների հաշվարկը դեռևս շարունակվում է:
Ըստ վերջին տվյալների՝ Ռոհանին հավաքել է 22.7 մլն (58,6%), իսկ նրա գլխավոր մրցակից, նախկին գլխավոր դատախազ Իբրահիմ Ռաիսին՝ 14.4 մլն ձայն (39,8%):
Աղբյուրը նկատում է, որ պաշտոնավարման առաջին ժամկետում Ռոհանիի գլխավոր ձեռքբերումը միջազգային միջնորդ «վեցյակի» հետ Թեհրանի վիճահարույց միջուկային ծրագրի սառեցման վերաբերյալ պատմական համաձայնագրի կնքումն է: Ըստ փաստաթղթի՝ Իրանը պարտավորվել է սառեցնել միջուկային ծրագրի զարգացումը, ինչին ի պատասխան Արևմուտքը մասամբ չեղարկել է այդ երկրի նկատմամբ սահմանված տնտեսական և ֆինանսական պատժամիջոցները:
ՀԱՅԵՐԵՆ
Русский
English
Դաս. հայերեն
French
