Եվրասիական տնտեսական հանձնաժողովի պատվիրակությունն այցելել է «Դուստր Մարիանա» ՍՊԸ
25-05-2017 18:34:47 | Հայաստան | Մամլո հաղորդագրություն
Եվրասիական տնտեսական հանձնաժողովի պատվիրակության կողմից անցկացվող խորհրդատվական սեմինարի աշխատանքները մայիսի 25-ին շարունակվել են «Դուստր Մարիանա» ՍՊԸ-ում: Այցի նպատակն էր մեկ արտադրության օրինակով ՀՀ ԳՆ սննդամթերքի անվտանգության պետական ծառայության մասնագետներին ցույց տալ միջազգային պրակտիկայում ընդունված պետական վերահսկողության ընթացակարգերը, ինչպես նաև «Վտանգների աղբյուրների վերլուծության և կրիտիկական կետերի հսկման» (HACCP) համակարգի և Եվրասիական տնտեսական միության տեխնիկական կանոնակարգերի սկզբունքների գործնական կիրառումը:
Եվրասիական տնտեսական հանձնաժողովի տեխնիկական կարգավորման հարցերով կոլեգիայի անդամ, նախարար Վ. Կորեշկովը հենց արտադրական գործընթացում առավել տեսանելի ու առարկայորեն է ներկայացրել կրիտիկական կետերի հայտնաբերման և ռիսկերի վերլուծության ու գնահատման մեխանիզմները:
Այս ացելությունը մեծապես օգնել է հենց արտադրողին՝ կողմնորոշվելու և իր գործունեության ռիսկերը նվազագույնի հասցնելու հարցում:
ՀԱՅԵՐԵՆ
Русский
English
Դաս. հայերեն
French
