Փոթորկի հետևանքով Մոսկվայում զոհերի թիվը հասել է 14-ի
30-05-2017 12:30:26 | Ռուսաստան | Հասարակություն
Մոսկվայում և Մերձմոսկվայում երեկ տեղի ունեցած փոթորկի հետևանքով զոհերի թիվը հասել է 14-ի, որից 11-ը՝ զոհվել են Մոսկվայում, իսկ 3-ը՝ Մերձմոսկվայում։
Korrespondent-ի փոխանցմամբ՝ Մոսկվայի Առողջապահական գերատեսչության տվյալներով՝ փոթորկի արդյունքում տուժել է 150 մարդ, որից 108-ը դեռ շարունակում են մնալ հիվանդանոցներում։ Նրանք ստացել են քերծվածքներ, կոտրվածքներ, գլխուղեղային և ողնոշարային վնասվածքներ։
Վերոնշյալ գերատեսչության ղեկավար Ալեքսեյ Խրիպունի խոսքերով՝ տուժածների թվում 20-ից ավելի երեխաներ կան։
ՌԴ Արտակարգ իրավիճակների նախարարության տվյալներով՝ Մոսկվայում փոթորիկն արմատախիլ է արել 3500 ծառեր, վնասվել են 140 բազմահարկ շենքերի տանիքներ, ինչպես նաև 1500-ից ավելի մեքենաներ։
ՀԱՅԵՐԵՆ
Русский
English
Դաս. հայերեն
French
