Հայաստանը պատրաստ է աջակցել էներգակիրների տարանցման անվտանգությունը ապահովող նախագծերին․ Հայկ Հարությունյան (տեսանյութ)
30-05-2017 15:12:00 | Թուրքմենստան | Տնտեսություն
Հայաստանը պատրաստ է աջակցել բոլոր այն նախագծերին, որոնք ապահովում են էներգակիրների տարանցման անվտանգությունը։ Այս մասին Միջազգային էներգետիկական Խարտիայի այսօր Աշխաբադում կայացած ֆորումի իր ելույթում ասաց ՀՀ էներգետիկայի փոխնախարար Հայկ Հարությունյանը, հաղորդում է «Նոյյան տապանի» թղթակիցը Թուրքմենիայից։
Իր ելույթում նա ընդգծեց, որ էներգոտիկայի մատչելիությունը մարդու հիմնարար իրավունքնեից է, եւ այն դեռ չլուծված խնդիր է հանդիսանում աշխարհի շատ մասերում։ Նշվեց նաեւ, որ ճիշտ է, երբ էներգառեսուրսների տարանցումը դիֆարսիֆիկացված է, եւ էներգետիկ նախագծերը պետք է անպայման իրենց մեջ նեռառեն նաեւ էներգիայի մատակարարման անվտանգությունը։ Հայաստանը պատրաստ է համագործակցել գործընկեր երկրների հետ՝ գազի եւ էլեկտրական հոսանքի տարանցման հարցում․ «Այժմ մենք աշխատում ենք հյուսիս-հարավ միջանցքի կառուցման վրա, որը կկապի Իրանը, Հայաստանը, Վրաստանը եւ Ռուսաստանը։ 55 Մվտ արեւային կայանի կառուցման համար այժմ Հայաստանը հայտարարել է մրցույթ, որին մասնակելու համար հրավիրում ենք բոլոր հետաքրքրված կազմակերպություններին»- ասաց նա։