Նախիջևանում ռազմաբազա ստեղծելու Թուրքիայի մտադրության համապատկերին օրերս թուրքական որոշ ԶԼՄ-ներ հղում կատարելով Թուրքիայի զինված ուժերի պաշտոնական հայտարարությանը, տեղեկություններ են հրապարակել առաջիկայում Նախիջևանում Ադրբեջանի ԶՈՒ-ի հետ համատեղ զորավարժություններ անցկացնելու վերաբերյալ:
Հրապարակված տեղեկությունների համաձայն, զորավարժությունների նպատակը երկու երկրների զինված ցամաքային ուժերի միջև փորձի փոխանակումն է:
Զորավարժությունները նախատեսվում է անցկացնել հունիսի 12-15-ը ժամանակահատվածում: Հայտնի է դարձել նաև, որ նշված զորավարժություններին Թուրքիայից մասնակցելու է մեկ հետևակային գումարտակ: